Кеча, 25 апрель санасида Мадриднинг «Реал» жамаоси Европа Чемпионлар Лигасининг ярим финалидан ўрин олган Мюнхеннинг «Бавария»сига қарши биринчи ўйинда 2:1 ҳисобидаги ғалабани қўлга киритди.
Бундан ташқари кечаги учрашувда футболчилар ҳам ўзларининг индивидуал кўрсаткичларини янгилаб, навбатдаги рекордларни ўрнатди. Ўйин аввалида ҳисобда ортда бораётган мадридликларнинг жавоб голига 44-дақиқага келиб Марсело муаллифлик қилди. Бу орқали бразилиялик ҳимоячи Чемпионлар Лигаси плей-офф босқичи учрашувларидаги голлар сонини 7 тага етказиб олди. У бу борада жамоа сардори Серхио Рамосни ортда қолдириб (6 та гол), ҳимоячилар орасида кўп гол уриш борасида энг яхши тўпурарга айланди.
Шунингдек, Криштиану Роналду кечаги муваффақиятдан сўнг ушбу мусобақада 96-ғалабасини қўлга киритди. Португалиялик футболчи ЕЧЛдаги ғалабалар сони бўйича Икер Касильясни (95) ортда қолдирди ва бу борада мутлақ рекордчига айланиб олди.
Изоҳ (0)