24 апрель санасида Европа Чемпионлар Лигаси ярим финалининг дастлабки учрашуви бўлиб ўтди.
Унда 1/4 финалда Пеп Гвардиоланинг «Манчестер Сити»сини мағлуб этган Юрген Клопп бошчилигидаги «Ливерпуль», «Барселона»ни ютиб, катта сенсация кўтарган Римнинг «Рома» жамоасига қарши майдонга тушди. Учрашув «Рома»нинг собиқ аъзоси, ҳозирда эса «Ливерпуль» сафида жавлон ураётган Муҳаммад Салоҳнинг бенефисига айланиб кетди. Муҳаммад Салоҳ 2 та гол уриб, 2 та голли узатмани амалга оширди. Ундан қолишмасликка интилган Роберто Фирмино эса 2 та гол уриб, 1 та голли узатмани берди. Яна бир гол Садио Мане ҳисобига ёзилди. «Рома»нинг жавоб голлари эса Эдин Жеко ҳамда Диего Пeрoттилар томонидан киритилди.
Шу тариқа Клопп шогирдлари 5:2 ҳисобидаги йирик ғалаба билан, финал сари катта қадам ташлади.
Европа Чемпионлар Лигаси
1/2 финал дастлабки беллашуви
24 апрель, сешанба
«Ливерпуль» — «Рома»
Голлар 1:0 – 35 Салоҳ, 2:0 – 45 Салоҳ, 3:0 – 56 Мане, 4:0 – 61 Фирмино, 5:0 – 68 Фирмино, 5:1 – 81 Жеко, 5:2 – 85, пенальти Peroтти.«Ливерпуль»: Кариус, Александер-Арнолд, Ловрен, ван Дейк, Роберцон, Окслейд-Чемберлен (Вейналдум, 18), Хендерсон, Милнер, Салоҳ (Ингз, 75), Фирмино (Клаван, 90), Мане.
«Рома»: Алиссон, Фасио, Манолас, Жезус (Пeрoтти, 67), Флоренси, де Росси (Гоналон, 67), Стротман, Коларов, Ундер (Шик, 46), Наингголан, Жеко.
Огоҳлантиришлар: Жезус (26), Александер-Арнолд (39), Ловрен (74), Хендерсон (85), Фасио (88).
Изоҳ (0)