Латвия чемпионатининг сўнгги икки йилдаги чемпиони – Юрмаланинг «Спартак» клубини энди россиялик 46 ёшли мутахассис Александр Гришин бошқарадиган бўлди. Бу ҳақда «Uff.uz» хабар бермоқда.
Аввал хабар берилганидек, жамоа жорий мавсумни ўзбекистонлик мутахассис Самвел Бабаян қўл остида бошлаганди. Лекин Бабаян лавозимга тайинланганидан сўнг икки тур ўтиб, Латвия футбол федерацияси унда мамлакат олий лигасида ишлаш ҳуқуқини берадиган УЕФА мураббийлик лицензияси йўқлигини аниқлаган.
Шу сабабга кўра, Самвел Бабаян ўрнини ЦСКА ёшлар жамоаси ва Россия (U-17) терма жамоасини бошқарган Александр Гришин эгаллади.
«Юрмаланинг «Спартак клубини бошқараман, ҳали шартнома имзоламадим. Лекин яқин кунларда клуб билан расман шартнома имзолайман, ҳозир Латвияда бўлиб турибман», — дея Гришиннинг сўзларини келтиради «Championat.com» нашри.
Маълумот учун, Самвел Бабаян ЎФФ (Ҳозирда ЎФА) Ижроия Қўмитаси Бюросининг 2018 йил 15 январдаги 3-сонли қарорига мувофиқ Ўзбекистонда футболга алоқадор ҳар қандай фаолият билан шуғулланишдан умрбод четлаштирилганди.
Маълумот учун, Самвел Бабаян энди Ўзбекистонга ҳам қайта олмайди, қайтса ҳам футболга алоқадор бўлган соҳаларда ишлай олмайди. Чунки яқинда ЎФА 1-президенти Умид Аҳмаджонов Бабаян кечирилмаслигини маълум қилган эди.
Изоҳ (0)