АҚШнинг Алабама штати ҳукумати 19 апрель куни одамлар орасида қурбонлар бўлишига олиб келган портлашларни уюштиришда айбдор деб топилган 83 ёшли Уолтер Лерой Мудини қатл қилди, деб ёзади «ТАСС».
Ҳукм штат жанубидаги Атмор шаҳрида жойлашган қамоқхонада ўлим инъекциясини киритиш йўли билан ижро этилди. Бу 2018 йилда мамлакатда амалга оширилган саккизинчи ўлим жазоси бўлди.
Маълумотларга кўра, Муди АҚШда Олий суд ушбу жазо чорасини мамлакат ҳудудининг катта қисмида қайта тиклаган 1976 йилдан буён қатл этилган энг кекса маҳбус бўлди.
Муди почта орқали бомбалар солинган посилкаларни юборган. 1989 йилда портловчи қурилмалардан бири ишга тушиши натижасида округ судьяси, бошқа бир портлашда эса қора танли ҳуқуқшунос ҳалок бўлган. Бундан ташқари, Муди таҳдидли хатларни жўнатган. У охиригача ўз айбини рад этиб келган.
Изоҳ (0)