Шу йилнинг июль ойида Ўзбекистонда янги туғилган чақалоқларга мўлжалланган Ecola3000 инкубаторларининг ишлаб чиқарилиши бошланади. Бу ҳақда «Газета.uz» хабар бермоқда.
Бу борадаги меморандум Тошкентда ўтаётган «Соғлиқни сақлаш — TIHE-2018» кўргазмасида Foton Medical Quality Ўзбекистон – Швейцария қўшма корхонаси ва Хитойнинг BNG Medical компанияси ўртасида имзоланди.
Меморандум доирасида томонлар, шунингдек, неонатология ва педиатрияда ишлатиладиган ёруғлик терапияси ускуналарини ишлаб чиқариш бўйича келишувга эришди.
Лойиҳанинг умумий қиймати 3 миллион долларни ташкил этади. Бошланғич босқичда BNG Medical томонидан етказиб бериладиган технологик мураккаб бутловчи қисмлардан фойдаланилади.
Йил охирига қадар корхона маҳаллийлаштириш даражасини 40 фоизга, йиллик ишлаб чиқариш ҳажмини 500–600 донага етказишни режалаштирмоқда. Маҳсулотнинг бир қисми экспорт қилинади.
Изоҳ (0)