Буюк Британиядаги миллениалларнинг (1981—2000 йилларда туғилганлар) учдан бир қисми бутун умр давомида ижарадаги уйда яшашга мажбур бўлади. Агар ҳозирги вазият ва ҳукуматнинг бу масаладаги сиёсати ўзгармаса, улар ўз уйига эга бўла олмайди. Бу ҳақда масала юзасидан ўтказилган тадқиқотга таяниб, «РИА Новости» хабар берди.
Тадқиқот муаллифларининг фикрича, ҳукумат турар жой ижараси тизмини, шунингдек, уни харид қилиш шартларини ислоҳ қилиш ҳақида ўйлаб кўриши керак. Агар ҳозирги тенденция сақланиб қоладиган бўлса, 1981—2000 йилларда туғилган ёш авлоднинг ярми 40 ёшидан кейин уйни ижарага олишга мажбур бўлади. Уларнинг учдан бир қисми эса бутун умр ўз уйига эга бўла олмаслиги мумкин.
Айни пайтда Буюк Британияда тахминан 1,8 миллион оила ўз болалари билан ижарада яшашга мажбур. 50 йил аввал бундан оилалар сони уч баравар кам, яъни 600 мингта эди.
Изоҳ (0)