Россия президенти Владимир Путин Германия канцлери Ангела Меркель билан бўлган телефон сўзлашуви чоғида маълум қилишича, ғарб мамлакатлари гуруҳи томонидан Сурияга қарши уюштирилган тажовуз халқаро ҳуқуқ нормаларини қўпол тарзда бузди. Бу ҳақда Кремль матбуот хизматига таяниб, «ТАСС» хабар берди.
Суҳбат чоғида Сурия ва унинг атрофидаги ҳолат батафсил муҳокама қилинган. Путиннинг таъкидлашича, тажовуз БМТ уставини бузган, Сурия инқирозидан кейин кечаётган тинчлик жараёнларига жиддий зарар етказган.
Путин ва Меркель Сурияда бўлиб турган Кимёвий қуролларни тақиқлаш бўйича ташкилотнинг миссияси чуқур ва объектив текширув ўтказиши кераклигига урғу берган.
Икки томон ҳам Сурия иши бўйича сиёсий-дипломатик музокараларни қайта тиклашга тайёр эканлигини билдирган.
Изоҳ (0)