Қирғизистон бош прокуратураси бошқарма бошлиғи 200 минг доллар пора билан қўлга тушди

Қирғизистон миллий хавфсизлик давлат қўмитасининг аксилкоррупциявий хизмати мамлакат бош прокуратураси давлат айбловини қўллаб-қувватлаш ва судларда вакиллик бошқармаси бошлиғи Улан Чалбаевни 200 минг доллар пора олаётганида ушлади. Бу ҳақда «24.kg» хабар бермоқда.

Улан Чалбаев аслида 500 минг доллар тама қилгани билдирилмоқда.

Тезкор тадбирни ўтказиш чоғида мансабдорнинг қон босими кўтарилган ва зудлик билан касалхонага етказилган.

Чолбаев ҳозирда Бишкекдаги 1-шаҳар касалхонасида тиббий текширувдан ўтмоқда. Унга нисбатан жиноий иш қўзғатилди.