Бокс бўйича Ўзбекистон терма жамоаси Францияда ўтказилган А тоифасига кирувчи халқаро турнирда иштирок этиб қайтди. Бу ҳақда «Дарё»га Ўзбекистон бокс федерацияси матбуот хизмати хабар берди.
Мусобақада қатнашган 8 нафар ўзбекистонлик боксчининг барчаси шохсупага кўтарилган. Нуфузли халқаро турнирда Италия, Англия, Ҳиндистон каби жами 24 та давлатдан 140 нафар боксчи иштирок этган бўлиб, Марказий Осиёдан ягона вакил сифатида фақат Ўзбекистон терма жамоаси Францияга борди.
Ўзбекистонлик чарм қўлқоп усталаридан Абдулҳай Шорахматов (56 кг), Шукур Раҳимов (60 кг), Алиёр Норалиев (64 кг), Фазлиддин Мелибоев (69 кг), Одилжон Аслонов (75 кг), Сардор Ёрмуҳаммедов (91 кг) барча рақибларини мағлубиятга учратиб, мусобақа ғолибига айланди.
Финалгача мағлубиятсиз етиб келган Мадиёр Саидраҳимов (81 кг) кумуш, Улуғбек Мубинов (+91 кг) эса бронза медалини қўлга киритди. Мусобақа ғолибларига ўзига хос чемпионлик камарлари ҳам топширилди. Умумжамоа ҳисобида Ўзбекистон терма жамоаси биринчи ўринни эгаллади.
Изоҳ (0)