UzReport ахборот агентлиги (UzReport-TV, Futbol-TV) 2018 йилги Жаҳон чемпионатини Ўзбекистон ҳудудида эксклюзив трансляция қилиш ҳуқуқини қўлга киритди. Бу ҳақда агентлик сайтида маълум қилинди.
Эслатиб ўтамиз, жорий йил ФИФА томонидан ташкил килинадиган энг муҳим мусобақа жорий йилнинг 14 июнидан 15 июлига қадар Россия яшил майдонларида бўлиб ўтади.
Россиянинг 12 та йирик стадионларида дунёнинг сараланган 32 та терма жамоаси муросасиз баҳс олиб боради ва мазкур учрашувлар UzReport-TV ва Futbol-TV телеканаллари орқали жонли эфирда намойиш этилади.
Ўйинлардан ташқари мазкур телеканаллар орқали ўзига хос Жаҳон чемпионати кундалиги — Highlights’лар ҳам эфирга узатиб борилади. Унда томошабинлар ЖЧ-2018 да бўлиб ўтган ўйинлардаги энг қизиқарли ва ҳаяжонли вазиятларни қайта томоша қилиш, терма жамоаларнинг футболчилари ва мураббийлари ҳақида маълумотларни, шунингдек, рекорд ва қизиқарли фактлардан бохабар бўлиб бориши мумкин бўлади.
Изоҳ (0)