АПЛ. «Челси» 8 дақиқада 3 та гол уриб, ғалаба қозонди, «Ливерпуль» триоси эса «Борнмут»ни тор-мор этди (видео)

Бугун, 14 апрель санасида Англия премьер лигасининг 34-тур баҳсларига старт берилди. Кун тақвимидан ўрин олган 7 учрашувдан 6 таси ўз ниҳоясига етди.

Турнинг илк ўйинида Антони Конте бошчилигидаги «Челси» «Саутгемптон»га қарши сафар ўйинида майдонга тушди. Учрашувда ҳисоб мезбонлар томонидан 21-дақиқада очилди. Гол муаллифи Душан Тадич. Биринчи бўлим шу тариқа якунланди. Иккинчи бўлимнинг 60-дақиқасида Беднарекнинг голи «Саутгемптон»ни 2:0 ҳисобида олдинга чиқишини таъминлади. Аммо Конте шогирдлари 8 дақиқа ичида 3 та гол уришнинг устидан чиқиб ғалабани ўз томонига оғдириб кетди. «Челси»нинг 2 та голига Оливье Жиру яна биттасига эса Эден Азар муаллифлик қилди.

Европа Чемпионлар Лигасида «Манчестер Сити»ни курашдан чиқариб юборган Юрген Клопп бошлиқ «Ливерпуль» «Энфилд»да «Борнмут»ни қабул қилиб, йирик ҳисобда ғалабага эришди. Голлар мерсисайдликларнинг кучли триоси — Садио Мане, Муҳаммад Салоҳ ва Роберто Фирмино ҳисобига ёзилди. «Борнмут» эса 3 та голга бирор марта ҳам жавоб беришнинг уддасидан чиқа олмади.

Бироздан сўнг турнинг  марказий ўйинида «Тоттенҳэм» «Манчестер Сити» билан кураш олиб боради.

Англия премьер лигаси

34-тур беллашувлари

14 апрель, шанба

«Саутгемптон» — «Челси» 2:3

«Бёрнли» — «Лестер» 2:1

«Кристал Пэлас» — «Брайтон» 3:2

«Хаддерсфилд» — «Уотфорд» 1:0

«Суонси Сити» — «Эвертон» 1:1

«Ливерпуль» — «Борнмут» 3:0

«Тоттенҳэм» — «Манчестер Сити» 23:45

«Ньюкасл» — «Арсенал» 17:30

«Манчестер Юнайтед» — «Вест Бромвич» 20:00

«Вест Ҳэм» — «Сток Сити» 00:00