Европа парламенти раиси Антонио Таяни 16 апрель куни Facebook асосчиси Марк Цукербергга хат орқали мурожаат қилиб, ижтимоий тармоқ махфийлиги юзасидан ҳавотирланаётгани бўйича кўрсатма беришни талаб қилишни режалаштирмоқда, деб ёзади «Корреспондент.net».
«Facebook бўйича кўрсатмалар Евроиттифоқ маълумотлари махфийлигининг қатъий стандартларига риоя этиш юзасидан хавотир ҳалигача сақланиб қолаётганини кўрсатади. Аминмизки, жаноб Цукерберг бизнинг саволларимизга жавоб беришга тайёр ва у Европа фуқаролари олдидаги жавобгарликни ҳис қилмоқда», — дейди Таяни.
Facebook ҳозирга қадар Евроиттифоқнинг мазкур сўровига изоҳ бермаган.
Маълумот учун, ОАВ Facebook фойдаланувчиларининг шахсий маълумотлари ноқонуний тарзда фойдаланилаётгани юзасидан текширув ўтказганидан сўнг ижтимоий тармоқ можаролар гирдобида қолди.
2016 йилда АҚШ президенти Дональд Трамп штаби билан ҳамкорлик қилган Cambridge Analytica компанияси 50 миллион нафар ижтимоий тармоқ фойдаланувчиларининг маълумотларини қўлга киритганликда ва улардан фойдаланганликда айбланмоқда.
Изоҳ (0)