«Росатом» Ўзбекистон ва Саудия Арабистони билан бу давлатларда атом электр станциялари қуриш имкониятини муҳокама қилмоқда. Бу ҳақда корпорация бош директори Алексей Лихачёв Россия бош вазири Дмитрий Медведев билан учрашувда маълум қилди, деб хабар беради «ТАСС».
«Бу борада Ўзбекистон ва Саудия Арабистони билан ишлаяпмиз», — деди у.
Корпорация раҳбари Россия ҳукумати ва ТИВ кўмагида россиялик мутахассислар иштирокида АЭС қурадиган мамлакатлар сафи кенгайишига умид билдирди.
«Биз ҳозир Ўзбекистон ҳукумати билан станция қурилиши бўйича ҳукуматлараро келишувга чиқиш юзасидан музокара олиб боряпмиз. Аслини олганда Ўзбекистон учун атом соҳаси янгилик эмас: совет даврида республикада тадқиқот реакторлари ишлаган. Бироқ йирик атом станциялари ҳозирча йўқ», — таъкидлади Алексей Лихачёв.
Изоҳ (0)