Туркиянинг Адана вилоятида ўтказилган махсус операция давомида ИШИД жаллодларидан бири қўлга олинди. Бу ҳақда вилоят полицияси маълум қилди, дея хабар беради «Вестник Кавказа».
Мазкур шахс Сурия фуқароси Риёд Усмон бўлиб чиқди.
Ундан ташқари, Суриядаги террорчи тузилмаларнинг 6 нафар фаол аъзоси қўлга олинди.
Олдинроқ Туркия полицияси ИШИД «соғлиқни сақлаш вазири» Кэфах Башир Ҳусайн ва «қишлоқ хўжалиги вазири» Ториқ Аҳмадни ушлаганди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)