2018 йилнинг 9 февралида Илон Маскнинг SpaceX компанияси дунёдаги энг оғир Falcon Heavy элтувчи ракетасини Tesla электрокари билан бирга учирди. Парвоз трансляцияси 2,3 миллион марта томоша қилинди ва YouTube тарихидаги энг оммабоп намойишлардан бири бўлди.
Бироқ апрель ойининг бошида АҚШнинг Океан ва атмосфера тадқиқотлари миллий бошқармаси SpaceX’нинг орбитадан узатилган суратлари ва видеосининг лицензияга эга бўлмаганини маълум қилди, деб ёзмоқда TJournal.
30 март куни Маскнинг компанияси Falcon 9 ракетасини ўнлаб телекоммуникацион йўлдошлар билан бирга муваффақиятли учирди. Парвознинг трансляцияси SpaceX’нинг сайти ва ижтимоий тармоқлардаги саҳифаларида амалга оширилди, бироқ намойиш охирига келиб, видео тушунарсиз сабаблар туфайли узилиб қолди. Бир неча дақиқадан сўнг муҳандис Майкл Хаммерсли муаммо Океан ва атмосфера тадқиқотлари миллий бошқармасининг чекловлари сабабли юзага келганини маълум қилган.
Маълум бўлишича, бошқарма ракетанинг иккинчи устунидаги камераларни фойдаланилиши учун давлат лицензияси зарур бўлган масофавий зондлар тизими сифатида қабул қилган.
Изоҳ (0)