Бундан 50 йил аввал, 1968 йил 27 март куни биринчи фазогир Юрий Гагарин ҳалокатга учрашига ердан берилган нотўғри буйруқ сабаб бўлган. Бу ҳақда ҳалокат юзасидан тузилган ҳукумат комиссияси аъзоси Арсений Миронов маълум қилди, дея хабар беради «ТАСС».
Мироновга кўра, Гагарин ва Владимир Серегин бошқарувидаги МиГ-15 ҳалокатига ҳаво кемасини булутлар орасидан тўсатдан пайқалган иккинчи МиГ-15 қирувчисидан олиб қочишга уриниш сабаб бўлган. Парвозлар раҳбари (ёки унинг ёрдамчиси) эса манёврга рухсат бераётганда буни инобатга олиши ва Гагаринга ҳаво кемасини пасайтирмасликка буйруқ бериши лозим эди.
Илк бор очиқ коинотга чиққан фазогир Алексей Леонов 2017 йили «Инсон ва коинот» китобида бошқа фаразни илгари сурди. Унинг тахминича, Миг-15 ёнидан учиб ўтган Су-15 самолёти гирдобли изига тушиб қолган. Леонов ҳаракати Гагарин ва Серегиннинг ўлимига сабаб бўлган учувчининг исм-шарифини айтмасликка сўз берганини билдирганди.
Изоҳ (0)