Россиянинг «Космос-2521» махфий космик қурилмаси сўнгги уч ой ичида деярли силжимаган «Космос-2519»га нисбатан аста-секинлик билан ҳаракатлана бошлади. Россия сунъий йўлдошларининг ҳаракат йўналишларига Россия ва Америка космик дастурлари бўйича британиялик эксперт Филлип Кларк эътибор қаратди.
«Космос-2521» «Космос-2519»дан 2018 йил март ойи ўрталарида узоқлашишни бошлаган. Космик қурилмалар оралиғидаги масофа тахминан бир ҳафта давомида вақти-вақти билан камайган ва кўпайган. Айни пайтда сунъий йўлдошлар орасидаги масофа қисқариб бормоқда.
Россиянинг «Космос-2519» махфий космик қурилмаси 2017 йил июнда учирилган. Икки ойдан кейин ундан «Космос-2521» назоратчи сунъий йўлдоши ажралиб чиққан.
2017 йилнинг октябрида Россия космик кучлари «Космос-2521» манёвр қилувчи сунъий йўлдошини муваффақиятли синовдан ўтказгани хабар берилган эди.
Истиқболда бошқа қурилмаларни нафақат кузатиш, балки тўхтатиб қолиш учун мўлжалланган бундай қотил сунъий йўлдошлар Россия орбитал гуруҳи элементига айланиб, космик ҳарбий пойгада тийиб турувчи ролни ўйнаши керак.
Изоҳ (0)