Aurora Station номли космик меҳмонхона 2022 йилда очилади, деб ёзади Hi-Tech Mail.Ru. Деразаларидан Ер сайёраси манзараси кўриниб турадиган меҳмонхонани Калифорниянинг Orion Span фирмаси қурмоқда.
Космик меҳмонхона 6 киши — тўрт меҳмон ва икки экипаж аъзоси учун мўлжалланган. Орбитада 12 кун қолиш 9,5 миллион долларга тушади. Бу пул эвазига станция меҳмонлари вазнсизлик ҳолатини ўзига ҳис қилиши, Ерни турли ракурслардан томоша қилиши ва бир Ер суткаси давомида 16 та тонготар ва кунботар пайтларини кўриши мумкин бўлади.
Дастлабки ҳисоб-китобларга кўра, Aurora Station кичик хусусий самолёт катталигида бўлиб, узунлиги 13 метр, эни 4 метрга тенг бўлади. Бироқ дастлабки ўлчамлар ўзгариши мумкин.
Изоҳ (0)