Нанотехнологияларни риволантириш маркази Мирзо Улуғбек номидаги Ўзбекистон Миллий университети қошида очилади. Бу ҳақда ЎзМУ физика факультетида ишлайдиган физика-математика фанлари доктори, академик Комил Муқимов «Газета.uz» нашрига берган интервьюсида маълум қилди.
Марказни яратиш ғояси академик Комил Муқимовда пайдо бўлган, аммо 2016 йил 30 декабрь куни президент Шавкат Мирзиёев мамлакат илм-фан вакиллари билан учрашув уюштиргунига қадар унинг таклифлари эътиборсиз қолган.
«Ўшанда президент ўз таклифларингизни илгари суринг, деб айтди. Мен лойиҳани кўриб чиқишга юбордим, февралда эса ижобий жавоб олдим. 2017 йил 1 ноябрда президентнинг илмий-тадқиқот муассасалари инфратузилмасини янада мустаҳкамлаш ва инновацион фаолиятни ривожлантириш чора-тадбирлари тўғрисидаги қарори чиқди, у ерга Нанотехнологияларни ривожлантириш марказини яратиш ҳам киритилган эди», — деди олим.
Унинг сўзларига кўра, янги марказ нанотехнологияларни ривожлантириш ва Ўзбекистонда наноиндустрияни яратиш учун илмий-тадқиқот институтларининг илмий потенциалини бирлаштириши керак.
Марказда, шунингдек, коллектив фойдаланиладиган йирик лаборатория ҳам бўлади. Зарур ускуналар учун 1,3 миллион доллар ажратилиши керак.
Изоҳ (0)