Тошкентда «Такси ‘Гранд’» бренди остида фаолият юритган «Taksi grant» МЧЖ тугатилмоқда, деб ёзади Spot. Компания ягона таъсисчисининг ихтиёрий ликвидация (тугатилиш) ҳақидаги қарори 4 апрель куни қабул қилинган.
Қайд этилишича, ушбу такси хизматига тегишли бўлган телефон рақамларидан бирига тушиб бўлмаган, қолган иккита рақам бўйича уланилганда, бу такси хизмати эканлиги, аммо «Гранд» эмаслигини маълум қилишган.
Тошкент ҳокимлигининг Йўловчи транспортининг барча турлари ҳаракатларини лицензиялаш ва координациялаш бўлимининг таксопарклар реестрида кўрсатилган телефон рақами ўчириб қўйилган.
«Taksi grant» МЧЖ Шайхонтоҳур тумани тадбиркорлик субъектларини рўйхатга олиш инспекцияси томонидан 2011 йил 25 май куни рўйхатга киритилган.
Давлат статистика қўмитасининг Корхона ва ташкилотлар ягона давлат регистри маълумотларига кўра, юридик шахс 2005 йилда рўйхатга олинган.
Изоҳ (0)