Германия ғарбидаги Мюнстер шаҳрида фургон пиёдалар оломони устига босиб борди. Бу ҳақда Meduza хабар бермоқда.
Турли маълумотларга кўра, ҳодиса оқибатида уч киши ҳалок бўлган, 30 дан 50 нафаргача одам тан жароҳати олган. Олти кишининг аҳволи айниқса оғир экани айтилмоқда.
Spiegel Online нашрининг ёзишича, полиция юз берган ҳодисани ҳужум деб баҳоламоқда. Ҳайдовчи, дастлабки маълумотларга кўра, ўзини ўзи отиб ташлаган. Ҳодиса юз берган жойда ҳар эҳтимолга қарши портловчи ускуналар қидирилмоқда.
Ҳодиса эски шаҳар қисмидаги майдонда юз берган. Воқеа жойидан олинган фотосуратлардан хулоса чиқарилса, машина кўча қаҳвахонасида ўтирган одамлар устига босиб борган.
https://twitter.com/joshdcaplan/status/982639087801851904
Қайд этиш жоиз, пиёдалар устига автомобилда босиб бориш сўнгги йилларда Европада энг кўп юз бераётган теракт туридир. 2016—2017 йиллар давомида бундай террорчилик ҳужумлари Ница, Лондон, Барселонада юз берган эди.
Изоҳ (0)