ЕЧЛ. «Ливерпуль» Хосеп Гвардиола «Манчестер Сити»сини йирик ҳисобда тор-мор этди (видео)

4 апрель санасида Европа Чемпионлар Лигасининг ¼ финал босқичи доирасида сўнгги икки жуфтлик учрашувлари бўлиб ўтди.

«Ливерпуль» — «Манчестер Сити» 3:0

«Энфилд» стадионда АПЛ титанлари ўзаро жанг қилди. Муҳаммад Салоҳ етакчилигидаги «Ливерпуль», Хосеп Гвардиола бошчилигида Англия чемпионлигига яқин келиб қолган «Манчестер Сити»ни йирик ҳисобда мағлуб этишга эришди. Учрашув Юрген Клопп шогирдларининг 3:0 ҳисобидаги ғалабаси билан якунланди. Голлар Муҳаммад Салоҳ, Алекс Окслейд-Чемберлен, Садио Мане томонидан «Сити» дарвозасига жойлаб қўйилди. Аммо «Ливерпуль» иккинчи бўлимда катта йўқотишга учради. Клубнинг етакчиси Муҳаммад Салоҳ иккинчи бўлимда жароҳат олиб майдонни тарк этди. Шу тариқа Клопп шогирдлари жавоб ўйини олдидан кейин босқичга чиқиш учун жуда яхши имконият ҳосил қилиб олди.