Шу кунларда Ўзбекистоннинг кўплаб ахборот ресурсларида «Ўзэкспомарказ» павильонларида 6 та кўргазма бўлиб ўтаётгани ҳақида хабарлар тарқалмоқда. Ушбу кўргазмалар турли соҳаларни ўз ичига олади — металлургия, транспорт ва логистика, технология ва тоғ-кон саноати қурилмалари, меҳнат муҳофазаси ва хавфсизлиги, ёнғинга қарши ҳимоя, кимё саноати ва пластмасса ишлаб чиқариш ва ҳоказо. «Новости Узбекистана» нашрининг мухбири мазкур кўргазмани ёритиш мақсадида «Ўзэкспомарказ»га ташриф буюрди ва у ердан олган таассуротлари билан бўлишди.
ОАВларда кенг ёритилган мазкур кўргазмалар жума куни тушда деярли бўм-бўш бўлган. Одатда бу каби кунларда маҳсулот ишлаб чиқарувчилар ва истеъмолчилар ўртасида мулоқот қизғин давом этаётган бўлиши керак эди. Бироқ бирор-бир стенд ёнида ўзаро суҳбатлашётган ёки ўзи хоҳлаган натижага эришиб, ҳужжат имзолаётган фуқарога дуч келинмаган. Кўпчилик интервью беришдан бош тортган, чунки уларнинг истеъмолчилар билан потенциал ҳамкорлик ўрнатиш борасидаги умидлари ўзини оқламаган.
Иккинчи павильондаги стендларнинг жойлашуви намойиш этиладиган маҳсулотга мос келмаган.
Ташкилотчилар томонидан иқтисодиёт, металлургия, станоксозлик, пайвандлаш каби муҳим соҳаларга алоҳида эътибор қаратилгани айтилган бўлсада, ушбу соҳаларга оид бирорта кўзга кўринарли нарса сезилмаган. Бу ерда Бекобод металлургия комбинати, ОТМК, НТМКни, ёки энди кучга тўлаётган Тошкент труба заводини учратмайсиз. Худдики улар мамлакат саноатида мавжуд эмасдек.
Стендлар ўлчамининг номутаносбилиги ва у ерда тасвирланган маҳсулотларнинг кўриниши ҳеч бир истеъмолчини ўзига торта олмайди. Мутахассис бу ерга экспонатнинг ўзини кўргани келади, унинг сурати интернетдан ҳам ўзи кўриб олаверади.
Бир сўз билан айтганда IEG Uzbekistan ўзини оқламади. Донолар бу каби вазиятда «қўлингдан келмаса, уринма» дейишади.
Изоҳ (0)