Наманган вилоят ИИБ Патруль-пост хизмати ва жамоат тартибини сақлаш бошқармаси ташаббуси билан патруль-пост хизмати батальонида мамлакатда илк бор велопатруль хизмати йўлга қўйилди. Бу ҳақда «Дарё»га ИИБ матбуот хизмати хабар бермоқда.
Мазкур патруль айни вақтда Наманган шаҳрида 5 йўналишда куну-тун хизмат олиб бормоқда. Унинг асосий вазифалари жамоат жойларида тиббий ёрдамга муҳтож фуқароларга биринчи ёрдам кўрсатиш, жиноятнинг тезкор равишда олдини олиш, хизмат сифати ва жамоат тарибини сақлаш самарадорлигини тубдан такомиллаштириш, ички ишлар органларида мобилизацияни ривожлантиришдан иборат.
Велопатруль шаҳарда кўп қаватли уйлар орасидаги тор кўчалар, транспорт воситалари кириши чегараланган ҳудудлар, жумладан, бозор, дам олиш масканлари, боғ ва ҳиёбонларда аҳолига ўз вақтида сифатли ёрдам кўрсатиш имкониятига эга. Хизмат велосипедидаги ходим тўлиқ экипировкаланган бўлиб, махсус воситалар, хизмат сумкаси, биринчи ёрдам кўрсатиш қутиси ва шаҳар харитаси билан таъминланган.
Изоҳ (0)