Жорий йилнинг март ойида Ўзбекистонда инфляция даражаси 1,1 фоизни ташкил этди. Бу ҳақда Давлат статистика қўмитасининг истеъмол секторидаги инфляция даражаси ҳақидаги ҳисоботида айтилди.
Айтилишича, озиқ-овқат маҳсулотлари ой давомида ўртача 1,3 фоизга қимматлашган, бу, ўз навбатида, истеъмол нархлари индексининг (ИНИнинг) умумий ўсишига 0,6 фоиз даражада (ф.д.) таъсир кўрсатган.
Суяксиз (лаҳм) мол гўшти ҳисобот даврида 2,9 фоиз, балиқ 2,6 фоиз, қийма гўшт 2,0 фоиз, мол гўшти (суяксиз (лаҳм) гўштдан ташқари) — 0,9 фоиз ҳамда қўй гўшти нархлари ўртача 0,6 фоизга ошди. Товуқ гўшти ва товуқ сон гўшти, шунингдек, бошқа парранда гўшти нархи эса аксинча мос равишда 0,7 фоиз ва 1,5 фоизга арзонлаган.
Сут маҳсулотлари нархи ўртача 1,7 фоизга қимматлашиб, бу эса қаймоқ — 3,0 фоиз, сузма — 2,6 фоиз, қатиқ ва чучук қатиқ — 1,6 фоиз ҳамда сутнинг нархи — 1,5 фоизга ошганлиги натижасида содир бўлди.
Озиқ-овқат гуруҳи таркибидаги гуруч, ўсимлик ёғи, шакар ва тухум каби маҳсулотлар нархининг арзонлашганлиги натижасида истеъмол товарлари гуруҳидаги ижобий вазият, яъни индексларнинг пасайиш ҳолати кузатилди.
Ноозиқ-овқат маҳсулотлари ўтган ойга нисбатан 1,1 фоизга ўсди, бу эса ИНИнинг умумий ўсишига 0,4 фоиз даражада таъсир кўрсатди.
Шунингдек, аҳоли учун хизматлар ойда ўртача 0,5 фоизга кўтарилди. Бу эса ИНИ умумий ўсишига 0,1 фоиз даражада таъсир ўтказди.
Изоҳ (0)