Март ойида Ироқ ва Сурияда саккиз нафар америкалик ҳарбий хизматчи ҳалок бўлди. Мазкур ой ИШИД радикал гуруҳига қарши ҳарбий операциялар бошлангандан буён Пентaгон учун энг кўп йўқотишлар ойи бўлди. Бу ҳақда 31 март куни Military.com хабар берди, деб ёзади «ТАСС».
29 март куни армия махсус топшириқли бўлинмаси жангчиси, сержант Жонатон Данбар Суриянинг Манбиж шаҳрида патруль қилиш давомида ясама портловчи қурилманинг портлаши оқибатида ҳалок бўлди.
15 март куни Ироқ ғарбида HH-60 Pave Hawk вертолётининг ҳалокати оқибатида унинг бортидаги етти нафар ҳарбий хизматчи, жумладан, уч нафар офицер қурбон бўлди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)