Норвегия шимолида қуёш батареялари ёрдамида ишлайдиган дунёдаги илк меҳмонхона қурилади. Бу ҳақда Норвегиянинг туризм бўйича кенгаши VisitNorway’га таяниб, «Корреспондент.net» хабар берди.
«Svart меҳмонхонасининг томига электр энергиясини ишлаб чиқаришга мўлжалланган қуёш батареялари ўрнатилади. Меҳмонхонанинг ўзи мамлакат шимолидаги Свартисен музлиги яқинида бунёд этилади. Бинонинг ташқи кўриниши ҳалқасимон кўринишда бўлиб, унинг пойдеворини сувга қоқилган тўсинлар ташкил этади. Унинг дизайнини яратишда Шимолий Норвегиянинг анъанавий бинолари кўринишидан — балиқчилар томонидан ўн йиллардан буён фойдаланиб келинадиган ‘қуриткичлардан’ илҳомланилган», — дея маълум қилади VisitNorway.
Меҳмонхонанинг очилиши 2021 йилга мўлжалланган. Шунингдек, режага кўра меҳмонхонани Норвегиянинг энг яқин йирик шаҳри — Будё билан боғлашга хизмат қиладиган экологик кема ҳам ишга туширилади.
Изоҳ (0)