Россия 13 нафар украиналик дипломатни мамлакатдан чиқариб юборади. Бу ҳақда Россия ташқи ишлар вазирлиги маълум қилди, дея хабар беради «РИА Новости».
Украина президенти Пётр Порошенко 26 март куни Буюк Британияда ГРУ собиқ зобити Сергей Скрипаль ва унинг қизи заҳарланиши билан боғлиқ вазиятга жавобан Киев 13 нафар россиялик дипломатни бадарға қилишини билдирганди.
«Скрипаль иши» доирасида Европанинг қатор давлатлари, жумладан, Франция, Германия ва Польша, Болтиқбўйи давлатлари, Украина, Молдавия, Хорватия, Албания, Швеция, шунингдек, АҚШ ва Канада жами 100 дан ортиқ россиялик дипломат чиқариб юборилиши ҳақида қарор қабул қилди.
Россия эса бунга мутаносиб тарзда жавоб бермоқда. Жумладан, Москва АҚШнинг 60 нафар дипломатини чиқариб юборади ва Петербургдаги бош консулликни ёпади.
Изоҳ (0)