27 март – Халқаро театр куни Ўзбекистон Мудофаа вазирлиги Маънавият ва маърифат маркази қошида «Турон» театр-студияси иш бошлади. Бу ҳақда вазирлик Матбуот хизмати хабар бермоқда.
«Турон» театр-студиясининг тантанали очилиш маросими ҳамда илк премьерасида «Жалолиддин Мангуберди» номли спектакль намойиш этилди. Театр очилиш маросимида республиканинг таниқли санъаткорлари, Мудофаа вазирлиги мутасаддилари, кенг жамоатчилик вакиллари иштирок этди.
Келгусида театр жамоаси томонидан «Спитамен», «Мирзо Улуғбек», «Бобур» каби тарихий асарларни саҳналаштириш режалаштирган. Бундан ташқари Лев Толстойнинг «Ҳожимурод», Саид Аҳмаднинг «Уфқ» асари устида изланишлар олиб борилмоқда.
Ҳарбий театр-студияда режиссёр Сайфиддин Мелиев, таниқли актрисалар Эльмира Раҳимжонова, Гулхумор Абдуллаева, Саида Раметова, Феруза Собитова ҳамда Султон Жалолиддин образини яратган Эркин Бозоров, шунингдек, истеъдодли ва умидли ижодкорлар Жамила Ғофурова, Наргиза Салмонова, Манучеҳр Қаландарзода, Ҳусан Рашидовлар фаолият юритмоқда.
Изоҳ (0)