Россиянинг тиббий биология муаммолари институти келгусидаги SIRIUS (Scientific International Research in Unique Terrestrial Station) тажрибасининг баъзи тафсилотларини очди. Тўрт ойлик изоляциядан иборат тажриба 2019 йилнинг биринчи чорагида бошланади. Бу ҳақда «ТАСС» хабар берди.
Аниқлик киритилишича, кўп миллатли экипаж таркибига уч нафар аёл ва уч нафар эркак киради (командир, борт менежери, шифокор ва уч нафар тадқиқотчи).
SIRIUS дастури узоқ фазога парвозларга, биринчи навбатда Ой атрофидаги Deep Space Gateway станцияси ишига тайёргарлик доирасида амалга оширилади. Унинг яратилиши ҳақида 2017 йилнинг сентябрь ойида «Роскосмос» ва NASA ўртасида келишувга эришилган эди. Биринчи модулнинг Ердан учирилиши 2022 йилга режалаштирилган. У халқаро экипаждан ташкил топади.
Изоҳ (0)