Curiosity марсоходи Марс сайёрасида океанлар бўлганини исботловчи гил қатламлари изларини суратини юборган ҳолда, ўзининг 2000 кунлик фаолиятини нишонлади, деб хабар берди ЎзА.
У қизил сайёрага 2012 йилнинг 6 августида қўнган эди. Ўтган вақт давомида Curiosity Марсда иссиқ чучук сув ороллари бўлганини ва бошқа қатор янгиликларни кашф этиб, миссия доирасидаги ўзига юклатилган асосий вазифаларни муваффаққиятли амалга оширди.
Қурилма узоқ муддат ишлаши учун плутоний билан ишловчи иссиқлик ва ток радиоизотоп генератори билан таъминланганди.
Бироқ ўтган даврда миссия муҳандислари бир неча маротаба техник носозликларни бартараф этишларига тўғри келди. Ҳозирда у тоғнинг «Науклуфт платоси» деб ном олган қисмида турибди. У ерда сайёрада атмосфера ва сувнинг йўқолиб бориши жараёнлари излари бўлган тоғ жинслари мавжуд.
Изоҳ (0)