Февраль—март ойида Ўзбекистон Жиноят Кодексининг 159 (Ўзбекистон Республикасининг конституциявий тузумига тажовуз қилиш) ва бошқа моддалари бўйича турли муддатга озодликдан маҳрум этилган беш нафар фуқаро озодликка чиқарилди. Бу ҳақда Олий суд расмий вакили Азиз Обидовга асосланиб, «Газета.uz» хабар берди.
Озодликка чиққанлар орасида 1970 йилда Қашқадарё вилоятида туғилган Чўян Маматқулов ҳам бор. У Жиноят Кодексининг 2013 йилда Жиноят ишлари бўйича Қашқадарё вилояти суди томонидан 137 (одам ўғирлаш), 138 (зўравонлик билан ноқонуний равишда озодликдан маҳрум қилиш), 159 (Ўзбекистон Республикасининг конституциявий тузумига тажовуз қилиш), 168 (фирибгарлик), 228 (ишлаб чиқариш, ҳужжатлар, штамплар, муҳрлар, бланкаларни сохталаштириш, уларни сотиш ёки улардан фойдаланиш), 238 (ёлғон гувоҳлик бериш), 244-1 (жамоат хавфсизлиги ва жамоат тартибига таҳдид соладиган материалларни ишлаб чиқариш, сақлаш, тарқатиш ёки кўрсатиш), 273 (Гиёҳвандлик воситалари ёки психотроп моддаларни ўтказиш мақсадини кўзлаб қонунга хилоф равишда тайёрлаш, олиш, сақлаш ва бошқа ҳаракатлар қилиш, шунингдек, уларни қонунга хилоф равишда ўтказиш) моддаларига бўйича 10 йилда озодликдан маҳрум қилинган эди.
2015 йилнинг 17 март санасида Жиноят ишлари бўйича Навоий шаҳар суди томонидан Маматқулов Жиноят Кодексининг 221-модда 2-қисм «б» банди (жазони ижро этиш муассасасининг маъмуриятининг қонуний талабларига бўйсунмаслик) бўйича 3 йилга, Жиноят Кодексининг 60-моддаси (Бир неча ҳукм юзасидан жазо тайинлаш) бўйича 9 йилга озодликдан маҳрум этилган.
2018 йил 6 февралда Жиноят ишлари бўйича Навоий вилоят кассация инстанцияси судининг қарори билан юқоридаги ҳукм ўзгаришсиз қолдирилган.
2018 йил 7 март куни Олий суднинг жиноят ишлари бўйича судлов ҳайъати қарорига биноан, Жиноят ишлари бўйича Қашқадарё вилоят суди томонидан 2013 йил 8 февралда чиқарилган ҳукм жазоси 5 йил 2 ойгача қисқартирилди.
2018 йил 15 март куни судлов ҳайъати Жиноят ишлари бўйича Навоий шаҳар судининг 2015 йил 17 мартда чиқарган ҳукмига, шунингдек, Жиноят ишлари бўйича Навоий вилояти кассация инстанциясининг 2018 йил 6 февралдаги ҳукмига ўзгаритиш киритди. Маматқуловга 3 йил 1 ой-у 20 кунга озодликдан маҳрум этиш жазоси тайинланган.
У жазони ўташ муассасидан жазони ижро этиш муассасасаларида тайинланган муддатни ўтаб бўлганлиги муносабати билан озод қилинган
Озод қилинганлар орасида 1970 йилда Наманганда туғилган ва 2013 йилда 8 саккиз йилда озодликда маҳрум этилган Қудратбек Расулов, 1967 йилда Қашқадарё вилоятида туғилган ва 2002 йилда 7 йилга, 2007 йилда 9 йилга, 2016 йилда 3 йилга озодликдан маҳрум этилган Йўлдош Расулов, 1964 йилда Қашқадарё вилоятида туғилган 2010 йилда 11 йилга озодликдан маҳрум этилган Ғайбулла Жалилов, 1979 йилда Самарқанд вилоятида туғилган 2003 йилга 6,5 йилга, 2006 йилда 7 йилга, 2013 йилда 5 йилга озодликдан маҳрум этилган Ғайрат Михлибоев ҳам бор.
Уларнинг барчаси жазони ижро этиш муассасаларида тайинланган муддатни ўтаб бўлганлиги муносабати билан озод қилинган.
Изоҳ (0)