Афғонистон масалаларига бағишланган халқаро конференция матбуот марказининг навбатдаги сессиясида Олий Мажлис Сенати раисининг биринчи ўринбосари Содиқ Сафоев иштирок этди.
Содиқ Сафоев ушбу конференцияда Россиянинг иштироки муҳимлигини қайд этди:
Афғонистон масалаларига бағишланган халқаро конференцияда Россиянинг иштироки жуда муҳим. Ҳам Афғонистонда, ҳам минтақада ушбу мамлакатнинг мавқеи баланд бўлган. Биз қабул қиладиган якуний ҳужжатда Россиянинг ҳам имзоси бўлиши бу конференциянинг муваффақиятларидан бири бўлади.Конференцияда ‘Толибонънинг иштирок этмаслиги масаласига келсак, бу шахсан мен учун жуда муҳим масала эмас. Конференцияда у ёки бу кучнинг иштироки ёки иштирок этмаслиги конференциянинг муваффақият кўрсаткичи эмас. Конференция муваффақияти, айтайлик барча минтақавий мамлакатлар, йирик давлатлар, халқаро ташкилотларнинг бошини қовуштириб, ягона янги ёндашувлар ҳақидаги декларация қабул қилиш. Айнан, мазкур жараён бизда ўтаяпти ва ўйлаймизки, бу муваффақиятли бўлади.Тошкент конференцияси бўйича ягона замин яъни платформа яратиб, унда барча сиёсий кучлар мулоқоти учун имкон яратиш.Президентимиз Шавкат Мирзиёев БМТнинг 72-ассамблеясида сўзлаган нутқида айтган эдиларки: ‘Биз Афғонистоннинг барча кучлари, хусусан марказий ҳукумат билан қандайдир олдиндан қўйилган шартларсиз музокара бошлаш тарафдоримиз’.
Чунки, афғон муаммосини ҳал қилиш биринчи навбатда афғон халқининг ўз қўлида. Четдан келиб ҳеч қачон ҳеч ким бировнинг муаммосини ҳал қилиб бера олмайди. Тошкент конференцияси навбатдаги мажлис тугаши билан тугамайди. Бу жараённинг бошланиши. Жараён бошланганидан кейин бу барча кучлар учун мулоқотни бошлаш имконини яратади. Менимча, мана шу биз учун мезон. Конференциянинг аҳамиятини ҳам мана шу билан ўлчаш керак.
Содиқ Сафоев, Олий Мажлис Сенати раисининг биринчи ўринбосари
Изоҳ (0)