АҚШ президенти Дональд Трамп собиқ вице-президент Жо Байденни уриб, йиғлатиш истагида эканини айтди. Бу ҳақда у Twitter’даги саҳифаси орқали маълум қилди, деб ёзмоқда «РИА Новости».
CNN телеканалига берган интервьюсида Байден ўрта мактабда бўлганларида, Трампни спортзалга олиб бориб, «ақлини киритиб қўйган» бўлишини таъкидлаган эди. Трамп унинг сўзларига жавоб берди.
«Ақлсиз Жо Байден ўзини кучли бола қилиб кўрсатмоқчи. Аслида у ҳам руҳий, ҳам жисмоний кучсиз, аммо у иккинчи марта менга жисмоний ҳужум билан таҳдид қилмоқда. У мени билмайди, лекин мен уни тезда йиқитиб, йиғлашга мажбур қилардим. Одамларга таҳдид қилма, Жо!», — деб ёзди Трамп.