«Жирона»га қарши ўйинда 4 та гол урган Криштиану Роналду Европада етакчига айланди

Ла Лиганинг 29-турида «Жирона»га қарши ўйинда 4 та гол уриб, покер қайд этган Криштиану Роналду 2017/2018 йилги мавсумдаги барча мусобақалар бўйича энг кўп гол урган футболчилар рўйхатида биринчи ўринга кўтарилиб олди. Роналду ҳисобида 35 та ўйинда киритилган 37 та гол мавжуд.

Бу рўйхатда «Ливерпуль»нинг «Уотфорд»га қарши ўйинида яна бир покер қайд этган ўйинчи Муҳаммад Салоҳ эса 41 ўйинда 36 та гол билан иккинчи бўлиб турибди.

Учинчи ўринда эса яқиндагина жароҳат олган Ҳарри Кейн кетмоқда. Унинг ҳисобида 39 ўйинда киритилган 35 та гол мавжуд.

«Барселона» аъзоси Лионель Месси ҳисобида ҳам 35 та гол мавжуд. Аммо Месси 35 та голни уриш учун, 43 та ўйин ўтказишига тўғри келган.

Рўйхат қуйидагича кўриниш олган:

1. Криштиану Роналду («Реал») – 37 гол (35 ўйин)
2. Муҳаммад Салоҳ («Ливерпуль» – 36 (41)
3. Ҳарри Кейн («Тоттенҳэм») – 35 (39)
4. Лионель Месси («Барселона») – 35 (43)
5. Чиро Иммобиле («Лацио») – 34 (38)
6. Эдинсон Кавани (ПСЖ) – 33 (40)
7. Роберт Левандовски («Бавария») – 32 (37)
8. Серхио Агуэро («Манчестер Сити») – 30 (37)
9. Неймар (ПСЖ) – 28 (30)
10. Ромелу Лукаку («Манчестер Юнайтед») – 25 (44)