АҚШ президенти Дональд Трамп Россия етакчиси Владимир Путинни президентлик сайловида эришган ғалабаси билан табриклади. Бу ҳақда икки давлат раҳбарларининг телефон орқали мулоқотидан сўнг Кремль матбуот хизмати маълум қилди, дея хабар беради «ТАСС».
Трамп Путин билан, жумладан, Давлат департаменти раҳбариятидаги ўзгаришларни инобатга олган ҳолда, Россия ва АҚШ алоқаларининг истиқболини муҳокама қилди.
«Юқори даражадаги учрашув ўтказиш эҳтимолини кўриб чиқишга ҳам алоҳида эътибор қаратилди», — аниқлик киритди Кремль матбуот хизмати.
Шунингдек, Трамп ва Путин АҚШ томони ташаббуси билан ўтказилган мулоқотда Сурия, Украина ва Шимолий Кореядаги вазиятни муҳокама қилди.
Изоҳ (0)