Украина Олий радаси спикерининг биринчи ўринбосари Ирина Герашенко Россияни «руҳий касал мамлакат» деб атади. У бундай баёнотни ICTV телеканали эфирида қилди, деб ёзмоқда «РИА Новости».
Спикер ўринбосарининг айтишича, Россияда бўлаётган воқеаларнинг сабабларини аниқлашнинг иложи йўқ. Унинг сўзларига кўра, Украина буни биринчи бўлиб тушунган. Парламент аъзоси Россиянинг руҳий касал мамлакат эканлигини айтиб, Украинанинг унга қўшни эканлигидан афсусдалигини билдирган.
Россияда бўлиб ўтган сайловларни Герашенко «гуллаган совет ўтмиши»га таққослаган. Украина сиёсий тизимининг устунлиги сифатида спикер ўринбосари ўз мамлакатидаги ҳокимият алмашишини кўрсатган ва беш марта президент алмашганини эслатган.
Изоҳ (0)