Ўзбекистон Президенти Шавкат Мирзиёев Самарқанд вилоятига ташрифи давомида Имoм Бухорий мажмуасини реконструкция қилиш лойиҳаси билан танишди, дея хабар бермоқда «O‘ZBEKISTAN 24».
Мажмуа жойлашган 448,5 гектар ҳудудда бунёдкорлик ишлари амалга оширилади. Хусусан, мажмуага элтувчи 800 метрлик йўл барпо этилади — унинг икки томонига турфа гуллар, дарахтлар экилади.
Йўлнинг иккинчи бошида шарқона услубдаги тўрт қаватли меҳмонхона қуриш кўзда тутилган. Мажмуанинг кириш қисмини икки қаватли қилиб кўтариш, деворларини эса оқ мармар билан безаш режалаштирилган.
Шунингдек, ҳудудда коттедж типидаги меҳмонхоналар, турар жойлар, тамаддихоналар, савдо нуқталари, миллий ҳунармандчилик устахоналари, тиббиёт маскани, спорт майдонлари, автобус шоҳ бекатлари, автотураргоҳлар ва бошқа зарур объектларни қуриш мўлжалланган.
Изоҳ (0)