Ўзбекистонлик ярим ҳимоячи Достонбек Ҳамдамов Maxачқалъанинг «Анжи» клуби билан шартнома имзолагани аниқ бўлди. Бу ҳақда РФПЛ расмий сайтида маълум қилинди.
Қайд этилишича, Ўзбекистон терма жамоасига номзод бўлган Достонбек Ҳамдамов «Анжи»нинг Россия чемпионатида иштирок этадиган футболчилар қайдномасига киритилган.
Маълумот учун ўтган мавсумда Достонбек Ҳамдамов «Бунёдкор» сафида 30 учрашув ўтказиб, 14 та гол муаллифи бўлганди.
Футболчининг «Бунёдкор» билан тузган шартномасида товон пули 300 минг доллар деб кўрсатилгани ҳақида аввалроқ маълум бўлганди. Бироқ унинг трансфер суммаси 1 миллион еврога баҳоланмоқда.
Изоҳ (0)