Янгиқўрғонда Наманган вилояти туманлари орасида биринчилардан бўлиб илк хусусий болалар боғчаси иш бошлади. Бу ҳақда туман ҳокимлиги ахборот хизмати маълум қилди.
Туманнинг «Қўриқ» маҳалласида жойлашган мактабгача таълим муассасасига «Билимдон болажон» деб ном берилди.
— 6 сотихли коттежни 170 миллион сўмга сотиб олдик. Хоналарни мослаштириш ва жиҳозлашга яна 70 миллион сўм сарфланди. Боғчамиз 40 ўринли бўлиб, ҳозирнинг ўзида 20 нафар ўғил-қизни қабул қилдик. Келгусида бу ерда рус, инглиз ва корейс тилларини ўргатиш, гимнастика тўгарагини очишни режалаштирганмиз, — дейди муассаса раҳбари Севара Сайдазимова.
Туманда бугунги кунда 42 та давлат мактабгача таълим муассасаси бўлиб, жорий йилнинг ўзида бу сафга 12 та хусусий болалар боғчаси қўшилиши кўзда тутилган.
Масканнинг очилиш маросимида вилоят ҳокими Хайрулла Бозоров иштирок этди.
Изоҳ (0)