Ўзбекистоннинг Бельгиядаги элчихонаси вакиллари Брюссель аэропорти менежерлари билан музокаралар олиб борди. Бу ҳақда UzDaily хабар бермоқда.
Томонлар Ўзбекистондан мунтазам ва чартер рейсларни йўлга қўйиш масалаларини муҳокама қилди.
Бельгия томони Ўзбекистон шаҳарлари билан авиақатновлар очилишига қизиқиш билдирди: Брюссель аэропорти ривожланишидаги устувор йўналишлардан бири Шарқий Европа ва Марказий Осиё давлатларига йўловчилар оқимини кўпайтиришдан иборат.
Мутахассисларга кўра, авиақатновлар очилиши Бельгия, шунингдек, унга қўшни Франция шимоли, Нидерландия ва Люксембург фуқароларининг хизмат ва сайёҳат доирасидаги сафарларини йўлга қўйиш имконини беради.
Изоҳ (0)