2017 йил март ойидан иш бошлаган, Тошкент марказидаги Қоратош мавзесида жойлашган Medicine Connected клиникасининг етакчи хорижлик мутахассиси Летиция Бургос 1983 йил Мексиканинг Гвадалахара шаҳрида туғилган. У Шимолий Америкадаги New Hope Fertility Center клиникасининг Гвадалахара филиалида бепуштликни даволаш бўйича мутахассис бўлиб ишлаган. Летиция Бургос Тошкентдаги клиника фаолияти давомида узоқ вақт фарзандли бўла олмаган ўнлаб жуфтликларнинг хонадонига «Ота-она бўларканмиз!» деган хушхабарни олиб кира олди.
С: Ўзбекистондаги тиббиёт соҳасидаги ислоҳотларга муносабатингиз?
Ж: Ҳар қандай илгарилаш ҳам илк қадамдан бошланади. Бу борада Ўзбекистон ҳукумати ва Соғлиқни сақлаш вазирлиги аллақачон илк қадамларни бошлаб юборгани қувонарли. Айниқса, хусусий клиникалар учун кенг имкониятлар очиб берилмоқда, хорижий мутахассисларни жалб қилишда ҳам ажойиб имкониятлар яратилмоқда.
С: Клиникада яратилган шароитларни қандай баҳолайсиз?
Ж: Medicine Connected клиникасида беморларни қабул қилиш, муолажа ўтказиш ва даволаш учун шифокорларга ва беморларга барча шароитлар энг замонавий шаклда таъминланган. Европа андозаларида ишлайдиган лаборатория, семинар-тренинг ва мажлислар ўтказиш учун конференция зали бор. Маркетинг ва тиббий туризм бўлими шифокорлар билан ҳамкорликда фаолият юритади.
С: Бепуштликни даволашда қандай йўл тутасизлар?
Ж: Жуфтларнинг фарзандли бўла олмаётганига бир эмас, балки бир неча сабаблар бўлиши мумкин. Биз аввало бепуштликка сабаб бўлган барча омилларни пухта ўраганамиз. Шундан кейин ўша омилларга қараб ташхис қўямиз ва даволаш усулини танлаймиз. Бир пайтнинг ўзида барча сабабларини тўлиқ ўрганиб баҳо бериш — даволашда жуда муҳим ҳисобланади. Ҳар бир сабабни аниқлаш ва бартараф қилиш учун алоҳида вақт ҳамда ортиқча харажат сарф бўлмайди ва илк бошданоқ энг маъқул муолажа йўлидан борилади.
С: Самарқанд, Урганч, Термиз, Андижон ва Фарғона шаҳарларида сафарда бўлиб ҳафталик тиббий кўриклар ўтказибсиз, юзлаб беморларни ташхис қўйибсиз. Умумий хулосаларингиз қандай?
Ж: Кўпчилик беморлар бу касалликдан руҳий жиҳатдан ҳам безовталанадилар, аксарияти янглиш фикр ва айблашлардан чўчиб, шифокорга мурожаат қилишдан хижолат бўладилар. Бизнинг асосий мақсадимиз бу муаммо ўз ечимига эга экани, уни ҳал қилишнинг терапевтик усуллари мавжудлиги ва уларни қўллаш орқали оилаларга ёрдам бериш ва натижада улар ота-она бўлиш бахтига муяссар бўлишлари мумкинлигига умид берувчи муҳит яратишдан иборат.
С: Ўзбекистонда бепуштликка чалиниш, уни даволаш ва шунга оид ишларга қандай баҳо берасиз?
Ж: Биласизми, ҳозирда дунё бўйича «бепуштлик эпидемияси» деган муаммо пайдо бўла бошлаган. Ҳозирда бундай муаммонинг кўплаб ечимлари мавжуд, жумладан, ёрдамчи репродуктив технологиялар. Лекин бу технологиялар Ўзбекистонда ҳали етарлича ишга туширилмагани учун беморларга бироз ноқулайлик туғдирмоқда, яъни бу муолажа бемордан чет элга чиқиш ва маълум миқдорда харажат талаб қилади. Шунинг учун беморлар хориж клиникалари хизматидан фойдаланиб келмоқда. Албатта, кўпчилик беморларнинг талабларини инобатга олиб тегишли тарзда ишлаб чиқилган қарор асосида расмий рухсат берилши мақсадга мувофиқ бўларди, деб ўйлайман. Шунда оилавий жуфтларнинг иш жойларидан узоқ муддат таътил олишларига, хорижга чиқиш (виза, билет, меҳмонхона ва ҳ.к.) харажатларини ортиқча сарфлашга ҳожат қолмас эди.
С: Сизнинг қабулингизга ёзилмоқчи бўлганлар қаерга мурожаат қилишлари мумкин? Сиз ўз ватанингизга таътилга кетган пайтларда-чи?
Ж: Мен учун энг муҳим вазифа малакали шифокорлардан иборат бир жамоа тузиб уларни мустақил равишда беморларни ЭКО (экстрокорпорал уруғлантириш)га тайёрлашни ўргатиш эди. Ҳозирда бу жамоа Medicine Connected клиникасида шифокор Нилуфар Қобилова ва Нилуфар Ғаффоровалар етакчилигида иш фаолиятини олиб бормоқда. Беморлар телефон орқали қабулга ёзилишлари мумкин. Ўзим ҳам қаерда бўлсам-да доимо онлайн тарзда маслаҳатларимни бериб тураман.
С: 2018 йил 7 февраль куни Ўзбекистон мусулмонлар идораси сунъий уруғлантириш хусусида махсус фатво чиқарди. Сизнинг клиника бу борада қандай фикрда?
Ж: Клиника шифокорлари аҳлоқий ва биоэтик меъёрларга қатъий амал қиладилар. Оилавий жуфтларнинг ўзаро расмий никоҳда эканликлари ҳар бир усулни қўллашдан олдин албатта назорат қилиб борилади. Беморларнинг муолажа тўғрисидаги мулоҳазаларига мен доим ҳурмат билан қарайман. Маслаҳатларимиз давомида муолажа усулларимиз уларнинг оилаларига қандай таъсир қилишини ва улар буни қандай қабул қилишларини ҳам назарда тутамиз. Албатта, ҳар бир фуқаронинг ўзига, қадриятларига ва бошқаларга зарар бермаган ҳолда даволаш усулини танлаш ҳуқуқи ва эркинлиги борлигига қатъий ишонаман.
Клиникага мурожаат учун телефон:
+998 (71) 245-36-66; +998 (71) 245-24-44; +998(90)318-46-60.
Реклама ҳуқуқи асосида!
Изоҳ (0)