2017-yil mart oyidan ish boshlagan, Toshkent markazidagi Qoratosh mavzesida joylashgan Medicine Connected klinikasining yetakchi xorijlik mutaxassisi Letitsiya Burgos 1983-yil Meksikaning Gvadalaxara shahrida tug‘ilgan. U Shimoliy Amerikadagi New Hope Fertility Center klinikasining Gvadalaxara filialida bepushtlikni davolash bo‘yicha mutaxassis bo‘lib ishlagan. Letitsiya Burgos Toshkentdagi klinika faoliyati davomida uzoq vaqt farzandli bo‘la olmagan o‘nlab juftliklarning xonadoniga “Ota-ona bo‘larkanmiz!” degan xushxabarni olib kira oldi.
S: O‘zbekistondagi tibbiyot sohasidagi islohotlarga munosabatingiz?
J: Har qanday ilgarilash ham ilk qadamdan boshlanadi. Bu borada O‘zbekiston hukumati va Sog‘liqni saqlash vazirligi allaqachon ilk qadamlarni boshlab yuborgani quvonarli. Ayniqsa, xususiy klinikalar uchun keng imkoniyatlar ochib berilmoqda, xorijiy mutaxassislarni jalb qilishda ham ajoyib imkoniyatlar yaratilmoqda.
S: Klinikada yaratilgan sharoitlarni qanday baholaysiz?
J: Medicine Connected klinikasida bemorlarni qabul qilish, muolaja o‘tkazish va davolash uchun shifokorlarga va bemorlarga barcha sharoitlar eng zamonaviy shaklda ta’minlangan. Yevropa andozalarida ishlaydigan laboratoriya, seminar-trening va majlislar o‘tkazish uchun konferensiya zali bor. Marketing va tibbiy turizm bo‘limi shifokorlar bilan hamkorlikda faoliyat yuritadi.
S: Bepushtlikni davolashda qanday yo‘l tutasizlar?
J: Juftlarning farzandli bo‘la olmayotganiga bir emas, balki bir necha sabablar bo‘lishi mumkin. Biz avvalo bepushtlikka sabab bo‘lgan barcha omillarni puxta o‘raganamiz. Shundan keyin o‘sha omillarga qarab tashxis qo‘yamiz va davolash usulini tanlaymiz. Bir paytning o‘zida barcha sabablarini to‘liq o‘rganib baho berish — davolashda juda muhim hisoblanadi. Har bir sababni aniqlash va bartaraf qilish uchun alohida vaqt hamda ortiqcha xarajat sarf bo‘lmaydi va ilk boshdanoq eng ma’qul muolaja yo‘lidan boriladi.
S: Samarqand, Urganch, Termiz, Andijon va Farg‘ona shaharlarida safarda bo‘lib haftalik tibbiy ko‘riklar o‘tkazibsiz, yuzlab bemorlarni tashxis qo‘yibsiz. Umumiy xulosalaringiz qanday?
J: Ko‘pchilik bemorlar bu kasallikdan ruhiy jihatdan ham bezovtalanadilar, aksariyati yanglish fikr va ayblashlardan cho‘chib, shifokorga murojaat qilishdan xijolat bo‘ladilar. Bizning asosiy maqsadimiz bu muammo o‘z yechimiga ega ekani, uni hal qilishning terapevtik usullari mavjudligi va ularni qo‘llash orqali oilalarga yordam berish va natijada ular ota-ona bo‘lish baxtiga muyassar bo‘lishlari mumkinligiga umid beruvchi muhit yaratishdan iborat.
S: O‘zbekistonda bepushtlikka chalinish, uni davolash va shunga oid ishlarga qanday baho berasiz?
J: Bilasizmi, hozirda dunyo bo‘yicha “bepushtlik epidemiyasi” degan muammo paydo bo‘la boshlagan. Hozirda bunday muammoning ko‘plab yechimlari mavjud, jumladan, yordamchi reproduktiv texnologiyalar. Lekin bu texnologiyalar O‘zbekistonda hali yetarlicha ishga tushirilmagani uchun bemorlarga biroz noqulaylik tug‘dirmoqda, ya’ni bu muolaja bemordan chet elga chiqish va ma’lum miqdorda xarajat talab qiladi. Shuning uchun bemorlar xorij klinikalari xizmatidan foydalanib kelmoqda. Albatta, ko‘pchilik bemorlarning talablarini inobatga olib tegishli tarzda ishlab chiqilgan qaror asosida rasmiy ruxsat berilshi maqsadga muvofiq bo‘lardi, deb o‘ylayman. Shunda oilaviy juftlarning ish joylaridan uzoq muddat ta’til olishlariga, xorijga chiqish (viza, bilet, mehmonxona va h.k.) xarajatlarini ortiqcha sarflashga hojat qolmas edi.
S: Sizning qabulingizga yozilmoqchi bo‘lganlar qayerga murojaat qilishlari mumkin? Siz o‘z vataningizga ta’tilga ketgan paytlarda-chi?
J: Men uchun eng muhim vazifa malakali shifokorlardan iborat bir jamoa tuzib ularni mustaqil ravishda bemorlarni EKO (ekstrokorporal urug‘lantirish)ga tayyorlashni o‘rgatish edi. Hozirda bu jamoa Medicine Connected klinikasida shifokor Nilufar Qobilova va Nilufar G‘afforovalar yetakchiligida ish faoliyatini olib bormoqda. Bemorlar telefon orqali qabulga yozilishlari mumkin. O‘zim ham qayerda bo‘lsam-da doimo onlayn tarzda maslahatlarimni berib turaman.
S: 2018-yil 7-fevral kuni O‘zbekiston musulmonlar idorasi sun’iy urug‘lantirish xususida maxsus fatvo chiqardi. Sizning klinika bu borada qanday fikrda?
J: Klinika shifokorlari ahloqiy va bioetik me’yorlarga qat’iy amal qiladilar. Oilaviy juftlarning o‘zaro rasmiy nikohda ekanliklari har bir usulni qo‘llashdan oldin albatta nazorat qilib boriladi. Bemorlarning muolaja to‘g‘risidagi mulohazalariga men doim hurmat bilan qarayman. Maslahatlarimiz davomida muolaja usullarimiz ularning oilalariga qanday ta’sir qilishini va ular buni qanday qabul qilishlarini ham nazarda tutamiz. Albatta, har bir fuqaroning o‘ziga, qadriyatlariga va boshqalarga zarar bermagan holda davolash usulini tanlash huquqi va erkinligi borligiga qat’iy ishonaman.
Klinikaga murojaat uchun telefon:
+998 (71) 245-36-66; +998 (71) 245-24-44; +998(90)318-46-60.
Reklama huquqi asosida!
Izoh (0)