Ўзбекистоннинг Қозоғистондаги Фавқулодда ва мухтор элчиси этиб тайинланган Саидикром Ниёзхўжаев 12 март куни Қозоғистон ташқи ишлар вазири ўринбосари Ғалимжан Қойшибаевга ишонч ёрлиқлари нусхасини топширди. Бу ҳақда ТИВ матбуот хизмати хабар бермоқда.
Тегишли маросимдан сўнг элчи ташқи ишлар вазири Қайрат Абдирахманов томонидан қабул қилинди. Вазир Саидикром Ниёзхўжаевни юқори лавозимга тайинлангани муносабати билан табриклади ва муваффақиятлар тилади.
Бўлиб ўтган суҳбат давомида Ўзбекистон—Қозоғистон муносабатларининг долзарб масалалари муҳокама қилинди.
Изоҳ (0)