Ўзбекистон мусулмонлари идораси ўз тасарруфидаги диний таълим муассасаларига қабул жараёнини янада такомиллаштириш, синовлар шаффоф ва адолатли ўтишини таъминлаш мақсадида 2018—2019-ўқув йили учун имтиҳонларга ўзгартиришлар киритди. Бу ҳақда идора матбуот хизмати
маълум қилди.
Фото: ЎМИ матбуот хизматиИмтиҳонлар қуйидаги тарзда ўтказилади:
Ўрта махсус ислом билим юртлари учун:
Маънавият ва маърифат (оғзаки, ижодий имтиҳон) 75,6 балл;
Хорижий тил (тест синови) 111,6 балл;
Тарих (тест синови) 39,6 балл.
Ўрта махсус ислом билим юртларига умумий ўрта таълим маълумоти тўғрисидаги шаҳодатнома (11-синф), академик лицей ёки ўрта махсус, касб-ҳунар коллежини тамомлаганлиги тўғрисидаги ҳужжатга (диплом) эга бўлган Ўзбекистон фуқаролари қабул қилинади.
Тошкент ислом институти ва Мир Араб олий мадрасаси учун:
Араб тили (оғзаки, ижодий имтиҳон) 75,6 балл;
Фиқҳ ва ақоид (тест синови) 111,6 балл;
Ўзбекистон тарихи (тест синови) 39,6 балл.
Тошкент ислом институти ва Мир Араб олий мадрасасига ўрта махсус ислом билим юртларини тамомлаганлиги тўғрисидаги ҳужжатга (диплом) эга бўлган Ўзбекистон фуқаролари қабул қилинади.
Абитуриентлардан ҳужжатларни қабул қилиш ва қабул имтиҳони ўтказиш муддатлари қўшимча эълон қилинади.
Изоҳ (0)