Футбол бўйича Ўзбекистон Суперлигасининг 2-туридан кейин очко йўқотмаган клубнинг ўзи қолмади.
2-тур беллашувлари 3 кун давом этди. Биринчи кун — 8 март санаси водий клублари учун омадли келди. Аввалига Наманганнинг «Навбаҳор» клуби АГМК майдонида зафар қучган бўлса, кейинроқ «Қўқон-1912» футболчилари Навоийда «Қизилқум»ни енгишга эришди.
Суперлига. 8 март водий клублари учун аталди. Равшан Эрматов эса Миржалол Қосимовни майдондан четлатди
Турнинг иккинчи кунида мамлакат чемпиони ва вице-чемпиони майдонга чиқди. «Насаф» Фарғонадаги дурангдан кейин, энди Қаршида «Бухоро» устидан иродали ғалабага эришди. «Локомотив» эса Бекободнинг «Металлург» клубига қарши ўйин учун асосий таркибнинг бир қатор футболчиларини майдонга чиқармади ва дуранг ўйнаб қўйди — 1:1.Суперлига. Амалдаги чемпион «Локомотив» 2-турдаёқ очко йўқотди. «Насаф» эса иродали ғалабага эришди
Учинчи кунга келибгина марказий ўйин ўтказилди. Тошкент дербисида таркиби анча кучсизланган «Бунёдкор», ойдан-ойга кучайиб бораётган «Пахтакор»ни таслим қилди — 1:0. Арвеладзе жамоаси сўнгги дақиқада пенальтини ҳавога совурди. Кейинроқ эса Суперлигада қолдирилган «Сўғдиёна» ва «Нефтчи» клублари ўзаро голсиз дуранг ўйнади — 0:0. Мазкур жамоалар кетма-кет икки турдирки рақиблар постига йўл топа олмади.«Пахтакор» сўнгги дақиқада пенальти уролмади ва пойтахт дербисида Миржалол Қосимов «Бунёдкор»и зафар қучди (видео)
Турнир жадвалини қуйида кўриш мумкин. Регламентга кўра, икки давра ўйинларидан кейин дастлабки 6 та ўрин эгалари чемпионлик учун алоҳида кураш олиб боради. Кейинги олти жамоа эса Суперлигада жон сақлаб қолиш учун курашади.Бироқ «олтин очко» қоидаси ҳам бор. Бунда олтиликка бирга кирган жамоаларнинг ўзаро ўйинлардаги натижалари сақлаб қолинади. Мисол учун, «Бунёдкор» айни ҳолатга кўра «Пахтакор»дан 3 очко илгарилаб кетган. «Локомотив» эса ҳали бирорта ҳам очко ишламаган, чунки унинг рақиблари ҳозирча олтиликка кира олмаган.
Изоҳ (0)