Тошкент вилояти Зангиота туманидаги «Мир Абдулло эшон» масжиди олдида қолдирилган машинадан пул ўғирлаганлар қўлга олинди, дея хабар бермоқда Ўзбекистон ИИВ Жамоатчилик ва оммавий ахборот воситалари билан алоқалар бошқармаси.
Хабар беришларича, 8 март, пайшанба куни соат 13:05 атрофида номаълум шахслар Эркин қўрғонида жойлашган «Мир Абдулло эшон» жўме масжиди олдида қаровсиз қолдирилган Hafei русумли автомашина ойнасини синдириб, салонидан 6,9 миллион сўм пулни ўғирлаб кетган.
«Кўрилган чоралар натижасида ушбу жиноятни Тошкент шаҳар Сергели тумани Ноғайқўрғон кўчасида яшовчи, 1976 йилда туғилган Д.Қодиров ва Тошкент вилояти Зангиота тумани Юқори Дархон маҳалласида яшовчи, муқаддам судланган, 1976 йилда туғилган Ж.Жумаев содир этгани аниқланиб, қўлга олинди», — дейилади вазирлик ахборотида.
Изоҳ (0)