9 март куни Сурхондарё вилоятининг Денов туманида ва Бухоро вилоятининг Пешку туманидаги иншоотларда хонага йиғилиб қолган газнинг чақнаши ҳолатлари юз берди. Бу ҳақда ИИВ хабар бермоқда.
Хабар беришларича, маҳаллий вақт билан соат 19:30 ларда Пешкунинг Валфажир қишлоғида яшовчи, 1979 йилда туғилган М.Тошев уйи омборхонасида электр чироғини ёққан вақтида газ қувуридан сизиб чиқиб хонага йиғилиб қолган газ ва ҳаво аралашмасидан чақнаш содир бўлган. Натижада М.Тошев куйиш жароҳатлари билан касалхонага ётқизилган.
Шунингдек, Деновнинг Боғинав маҳалласи Мустақиллик кўчасида жойлашган «Биг-Burger» кафесида соат 18:20 ларда кафе ишчиси, 1999 йилда туғилган А.Иминов гугурт чаққан вақтида шу ердаги пропан газ балонидан сизиб чиқиб хонага йиғилиб қолган газ ва ҳаво аралашмасидан чақнаш содир бўлган. Натижада А.Иминов куйиш жароҳатлари билан касалхонага ётқизилган.
Изоҳ (0)