Ўзбекистонда 2018 йил 1 март ҳолатига кўра фаолият кўрсатаётган хорижий капитал иштирокидаги корхоналар сони 5 711 тани ташкил этди. Уларнинг сони ўтган йилнинг шу даврига нисбатан 659 тага ёки 13 фоизга кўпайди, дея хабар беради Давлат статистика қўмитаси.
Ушбу корхоналардан 3 186 таси қўшма корхона, 2 525 таси эса хорижий корхона ҳисобланади. Уларни фаолият тури бўйича кўрилганда, энг кўпи саноат ва (2 507 та ёки 43,9 фоиз) ва савдога (1 118 та ёки 19,6 фоиз), энг ками эса соғлиқни сақлаш ва ижтимоий соҳага (77 та ёки 1,3 фоиз) тўғри келди.
Январь—февраль ойларида Ўзбекистонда хорижий капитал иштирокида 237 та янги корхона ташкил этилди. Бу кўрсаткич ўтган йилнинг шу даврига нисбатан 142 тага кўп ёки 2,5 бараварга ошган.
Янги корхоналар ҳам асосан саноат (88 та) ва савдо (69 та) соҳасида бўлиб, энг ками қурилишга (16 та) тўғри келди.
Изоҳ (0)