Ўзбекистон делегацияси 12 март куни Токиода бўладиган Ўзбекистон—Япония бизнес форумида иштирок этади, дея хабар бермоқда Ўзбекистон ТИВ матбуот хизмати.
Делегация таркибидан Ташқи ишлар вазирлиги, Инвестициялар бўйича давлат қўмитаси, UzTrade компанияси, Сурхондарё вилояти ҳокимлиги вакиллари ўрин олган.
Ўзбекистоннинг Токиодаги Элчихонаси маълумотига кўра, форумда Япония ташқи ишлар, иқтисодиёт, савдо ва саноат, молия вазирликлари, ташқи иқтисодий алоқаларга ихтисослашган давлат ташкилотлари вакиллари, ўз соҳаларида етакчи компаниялар ва фирмалар, молиявий тузилмалар раҳбарлари иштирок этади.
Тадбирда Япониянинг расмий ва ишбилармон доиралари Ўзбекистондаги ижтимоий-иқтисодий ўзгаришлар, чет эл инвесторлари учун яратилаётган афзалликлар ва қулай шароитлар, ўзаро манфаатли ва бошқа аниқ лойиҳаларни амалга ошириш истиқболлари билан танишиши кутилмоқда.
Изоҳ (0)